અહેવાલ ગાંધીનગર

Kapila Rathod · January 10, 2022 at 11:09 am

Posted by: Kapila Rathod Category: ચિંતન લેખો Comments: 41

🌹સંકલ્પ દિન અહેવાલ🌹

આજરોજ તારીખ 1 લી જાન્યુઆરી 2022 એ અમારા આનંદાલયનું એક વર્ષ પૂર્ણ થવાથી આ દિવસની સંકલ્પ દિન તરીકે ઉજવણી કરવાનું નક્કી થયું હતું. એમાં દરેક જિલ્લામાં ઓફલાઈન સૌ સાધકોએ ભેગા થવું અને પધ્ધતિ સર સંકલ્પ લેવા.એક સંકલ્પ સ્વ માટે અને સમાજ સેવા ને લગતા લેવા.એ સારુ અમો ગાંધીનગર જિલ્લાના સર્વે સાધકો નિસર્ગ સાયન્સ સેન્ટર, ગાંધીનગર મુકામે 3 થી 6વાગે ભેગા થયા.સૌ મિત્રો ઉત્સાહ ભેર નક્કી કરેલ જગ્યાએ પહોંચી ગયા.

અમારી સાથે આપણા આનંદાલય નું બીજારોપણ કરનાર અને સંયોજક શ્રી અતુલભાઈ સર અને મુખ્ય મહેમાન તરીકે શ્રીમતી અવનીબા મોરી જેઓ ગુજરાત રાજ્ય ના માધ્યમિક અને ઉ. માઘ્યમિક ના પરીક્ષા સચિવ પણ પધારેલ હતા જે અમારા અહોભાગ્ય કહી શકાય.તથા આપના રાહદાર અને સદાય સક્રિય રહી આનંદાલય માં સૌને જોડનાર સૌના લાડીલા મેડમ શ્રી ડૉ. પૂર્ણિમાબેનને પોતાના પરિચય સાથે આનંદાલય ના કાર્યની સુંદર શૈલીમાં ભાવવાહી છણાવટ કરી. સ્વ થી પર સુધી યાત્રાની વાત કહી. ત્યારબાદ સૌ મિત્રોએ પરિચય સાથે જો મારી પાસે સર્વ સત્તા હોય તો સમાજ માટે શું કરું તે પણ જણાવ્યું ખુબ મજાની વાતો સૌએ કહી.સાંભળવાની ખુબ મજા આવી.

ત્યારબાદ શ્રી અતુલભાઈ સર, અવનીબા મોરી મેડમ અને ડૉ પૂર્ણિમા મેડમ સૌએ દીપ પ્રાગટ્ય કર્યું અને પછી જે સંકલ્પ કાર્ય માટે ભેગા થયા હતા તે માટે શ્રી અતુલભાઈ સરે સમજ આપી કે કેવા સંકલ્પ લેવા અને કેવીરીતે પૂર્ણ કરવા એની સુંદર સમજ આપી. સર્વે સાધકોને સંકલ્પ મંજુર કે ના મંજુર કરવાની , પ્રશ્નોતરી કરવાની સત્તા આપી અને મન્જુરી હોય તો ૐ બોલવું. ખરેખર મજા આવી.સંકલ્પ લેવડાવી એની શું શરતો રહેશે તે અને સંકલ્પમાં સતત માર્ગદર્શન કરવામાં આવશે અને પૂર્ણ કરાવવામાં પણ મદદરૂપ બનીશું. એવી વાતોથી સૌ સાધકોની હિંમત વધારી. ત્યારબાદ એક ગામ દત્તક લઇ સૌ સાધકોએ કાર્ય માં જોડાવા સહમતી આપી.

ખરેખર આજનો દિન યાદગાર બની રહ્યો.તેમાં વચ્ચે સૌ મિત્રોએ ચા નાસ્તો પણ લીધો.

ત્યારબાદ અવનીબા મેડમે એમની મીઠી, આગવી શૈલીમાં સુંદર પ્રવચન આપ્યું.પોતે પણ ચાર સંકલ્પ લીધા અને સંકલ્પ ની સંકલ્પના શું હોઈ શકે અને કેવા લેવા કેવીરીતે પૂર્ણ કરવા સઘળી બાબતો અંગેવિસ્તારથી સુંદર સમજૂતી આપી.આ બેઠક નું સંચાલન અને સંયોજિતા શ્રી ભાવનાબેને ખુબજ સુંદર રીતે આ બેઠક નું સંચાલન કર્યું. જે એમની એક આગવી પ્રતિભા છે. સુંદર સ્પીચ અને તમામ સાધકોને સમયનુસાર એક પછી એક મુદ્દા આવરી સુંદર કામગીરી સંભાળી બેઠક પૂર્ણ કરી. બાદમાં શ્રી ભરતભાઈ એ આભાર વિધિ કરી.

સૌ સાધકોએ આવતા વર્ષે આજે લીધેલ સંકલ્પ ને પૂર્ણ કરી નવા સંકલ્પ લેવાનો નિર્ધાર કરી સૌ છુટા પડ્યા.અસ્તુ….. 🌹

કપિલાબેનના સૌને નતમસ્તક વંદન 🙏🏾

Share On Social Media

અહેવાલ ગાંધીનગર

Author

Comments (41)

Leave a Reply Cancel reply