37 – Anandalaya

આનંદાલય અતુલભાઈની વર્તમાન શિક્ષણની પીડાનું કારણ છે. મારા મતે વૃક્ષમાં કલ્પવૃક્ષ, ગાયોમાં કામધેનુ, સાપોમાં વાસુકી અને હાથીઓમાં ઐરાવત જેમ મહાન છે તેમ તમામ આલયોમાં આનંદાલય મહાન છે. સાચું કહું તો આનંદાલયે મને પુનર્જન્મ આપ્યો છે. મને આનંદાલયના ઘટક હોવાનું ગૌરવ છે.

सर्वं शीलवता जितम् – ચારિત્ર્ય નિર્માણ જ એકમાત્ર ધ્યેયને સમર્પિત છે આનંદાલય. કેળવણીમાં પાયાનું કામ કરતું સમર્પિત સાધનોનું અનુશાસિત એક આગવું વૃંદ એટલે આનંદાલય.
सत्त्वशीलजनाचारै: शिक्षया वृत्तनिर्मितिम् ।
कुर्वन्समाजशीलेन भारतं स्यात् जगद्गुरु: ।।

આનંદાલય ચારિત્ર્ય નિર્માણને જ કેન્દ્રમાં રાખીને વિવિધ આયામો દ્વારા સાચી કેળવણી પ્રસ્થાપિત કરવા માટે સક્રિય છે. કેમકે આનંદાલય એવું માને છે કે ચારિત્ર્ય નિર્માણ જ તમામ સમસ્યાઓનો ઉકેલ છે એટલે ચારિત્ર્ય સંપન્ન રાષ્ટ્રને ફરીથી વિશ્વ ગુરુ બનાવવાના ઉમદા હેતુ સાથે આનંદાલય કામ કરી રહ્યું છે.